Hangyo ni Mayor Arquillano sa San Francisco gibasura

CEBU, Philippines - Gibasura sa Police Regional Office (PRO-7) ang gipangayo ni Mayor Alfredo Arquillano sa lungsod sa San Francisco, isla sa Camotes nga ipabilin si Supt. Eduardo Saavedra ang hepe sa kapulisan sa maong lungsod.

Kini maoy gipahibalo ni Sr. Supt. Jesus Gaquing Jr. director sa kapulisan sa lalawigan sa Sugbu kinsa nagkanayon nga niadto pang Septembre 4, ning tuiga ibasura ang maong hangyo. Nunot niini si Gaquing nagkanayon nga moduso siya og tulo ka mga ngalan sa kwalipikadong opisyal nga mahimong hepe sa kapulisan nga naglakip kanila ni Insp. Wilredo Pulvera sa Provincial Intelligence Branch (PIB), Sr. Insp. Jesus Elmer Fernandez, kanhi hepe sa Consolacion, ug Insp. Proroinio Baylosis.

Nasayran nga ubos sa PNP law dili gyud mahimo nga ang usa ka lungsod pagadumalahon sa usa ka opisyal sa PNP nga mag-rango og Supt.

Nunot niini si Gaquing mipahibalo nga si Supt. Saavedra ibalik sa iyang naandang buhatan nga mao ang Police Community Relations Office (PCR) sa CPPO.   (BANATNEWS)