CEBU, Philippines - Gihulagway ni Governor Gwendolyn Garcia nga lig-ong kandidato sa pagka-presidente si Defense Secretary Gilbert Teodoro apan wala magpasabot nga iyaha na kining suportahan.
Si Teodoro maoy gipiling standard bearer sa administration party nga Lakas-Kampi-CMD.
Matud pa ni Garcia nga si Teodoro nakakuha na og suporta gikan sa pipila ka mga gobernador sa tibuok nasud tungod sa pagpunay og suroy-suroy niini. Apan gitataw ni Garcia nga ang iyang pag-ila kang Teodoro nga lig-on, wala kini magpasabot nga mao na kini ang iyang suportahan sa umaabot nga election.
Miklaro ang gobernadora nga buot siyang maminaw una sa mga programa sa tanang mga kandidato sa pagka-presidente sa dili pa siya hingpit nga mopili sa iyang paluyohan. (BANATNEWS)