CEBU, Philippines - Gipagawas sa pangulo sa kapulisan sa dakbayan sa Sugbu Sr. Supt. Patrocinio Comendador ang cartographic sketches sa duha ka suspetsadong tulisan nga sila si Fritz Alferes ug Bodoc Antonio.
Sila si Alferes ug Bodoc nakasibat human ilang napatay ang kusinerong si Vedasto Cursiga ug nasamdan ang igsoon niining si Herbert dihang ila kining gitulis niadtong Martes sa kaadlawon sa barangay Santa Cruz. Matud pa ni Comendador buot nilang makatabang ang publiko kun makit-an ang cartographic sketch sa duha, mahimong motawag sa Police Hotline 166 o kaha sa pinakaduol nga police station kun ilang masigpatan sila si Alferes ug Bodoc.
Ang duha napasakaan na og kasong robbery with homicide ingon man robbery with physical injuries uban sa nadakpang kauban nga si Godofredo Pardillo. – BANAT NEWS