'Nangabit' gitagod og tigbas

CEBU, Philippines - Patay ang usa ka mag-uuma nga gidudahang nangabit og minyo human kini giatngan sa katobhan ug gitigbas makadaghang higayon sa sitio Mayka barangay Lawis lungsod sa San Remegio niadtong Huwebes sa alas 6:30 sa gabii. Ang biktima nakaangkon og daghang samad tinigbasan sa lawas ug ulo mao si Alejandro Larion Agdon, 45, caretaker og katobhan sa nahisgutang lugar samtang ang suspek mao si Panfilo Lobetañia, nagpuyo gihapon sa maong dapit.

Matud pa ni PO3 Joe Johnnesky Ynot sa San Remegio Police dihang nahinabi sa Banat News naglakaw paingon nga mopauli si Agdon ug wala makabantay sa suspek nga nag-atang ug diretsong mitigbas kaniya makadaghang higayun.

Patay na kining miabot sa Vicente Sotto Memorial Hospital (VSMMC) dinhi sa dakbayan, nakaikyas ang suspek kinsa giingong nagselos tungod sa pagdudang may relasyon ang asawa niini sa biktima. – BANAT NEWS