CEBU, Philippines - Usa sa mga wanted sa dakbayan sa Talisay kinsa dunay kasong murder ang nadakpan ug gitanggol na karon sa Talisay City detention cell kagahapon sa hapon.
Ang suspek nga si Bernardo Abella, tanod sa Tapul ug miyembro sa Alimaong ug naghupot og posisyon nga “Kalilihok” sa maong pundok nadakpan diha sa landfill sa barangay Tapul sa nahisgutang siyudad.
Si Supt. Henry Biñas, hepe sa Talisay City Police Station sa pakighinabi niini sa Banat News kagahapon mibutyag nga sa milabay'ng adlaw naukayan niya ang warrant of arrest ni Abella hinungdan nga nagsusi siya sa background niini.
Matud ni Biñas nga si Abella dunay kalambigitan sa pagpatay sa mga Tablega brothers sa milabay'ng mga tuig sa usa sa mga barangay sa Talisay.
Ang pag-umangkon ni Abella nga si Richard Abella kinsa nagtago-tago na karon duna sab warrant of arrest sa kasong murder tungod kay giingong miapil kini sa pagpatay sa magsuong Tablega. – BANAT NEWS