PAL nagdugang og rota domestic flight

CEBU, Philippines - Mipalapad karon ang Philippine Airlines sa ilang domestic services pinaagi sa pagpuno   og bag-ong rota sa ilang mga biyahe.

Gilusad sa PAL niadtong September 1 ang rotang Cebu-Davao ug Davao-Cebu uban sa unit nga Airbus A330.

 Ang PR409 mobihaye gikan sa Cebu paingon sa Davao sa alas 6:05 sa buntag samtang ang reverse route nagtangag sa rotang Manila-Davao-Cebu –Manila.

Ang matag adlaw nga biyahe sa PR410 magsugod alas 6:25 sa buntag sa rotang Davao-Cebu.

Samtang ang PAL Express midugang usab sa ilang serbisyo sa matag adlaw nga biyahe sa rotang Manila-Naga, matag 7:55am (PR261) ug 1:00pm (PR263). Samtang ang rotang Surigao-Manila adunay biyahe matag adlaw sa 8:45am (PR065).

 Duna pu’y biyahe matag adlaw ang Cebu-Iloilo flight (PR380) nga magsugod sa alas 9:15 sa buntag   ug 3:20 sa hapon (PR382).

Sa dugang pangutana kabahin sa bag-o nila nga mga rota, puwede maduaw ang philippineairlines.com o palexpressair.com , o tawag sa 855-8888. (Sanden J. Anadia)

 (BANAT NEWS)