CEBU, Philippines - Padayong gipangita sa kapulisan ang usa ka tanod nga suspek sa pagpamusil og usa ka mag-uuma nga nahitabo sa sitio Tanke barangay Marmol lungsod sa Tuburan niadtong Sabado sa alas 7:30 sa buntag.
Ang biktima mao si Dindo Magpuyo, usa ka mag-uuma nga nagpuyo ra sa nahisgutang lugar samtang ang suspek mao si Toribio Gracia, tanod sa maong lugar.
Matud pa ni PO2 Junyl Ater sa Tuburan Police dihang nahinabi sa Banat News, nangahoy ang biktima sa kalibunan niadtong higayuna dihang kalit lang giapas ug gipusil sa suspek.
Maayo nalang kay nakabantay, hinungdan nga ang tuong paa lang ang naigo niini ug nakahigayun pa sa pagdagan pahilayo.
Samtang ang biktima misibat dayun human sa hitabo ug pag-abot sa nirespondeng mga polis wala na sa maong lugar ang suspek.
Ang kapulisan padayun pa sa ilang pagpangita sa tanod nga suspek ug pagtugkad sa motibo sa maong pagpamusil. (BANAT NEWS)