Grupo sa Cebu suporta ni Noynoy

CEBU, Philippines - Hasta ang mga abogado dinhi sa Sugbu miapil na karon sa signature campaign aron awhagon si Senador Benigno “Noynoy” Aquino pagdagan sa pagpangulo sa nasud karong 2010.

Si kanhi Integrated Bar of the Philippines Cebu Chapter president Atty. Democrito Barcenas nga mitukod sa Tuloy Pinoy Movement nagkanayon nga duna na sila’y natigom nga 600 ka lagda gikan sa mga academe, business sector ug pipila ka mga abogado nga mipadayag og suporta kang Aquino.

Nagplano karon ang grupo nga hasta ang mga tunghaan ug mga institusyon sa Cebu ilahang duolon aron mokuha og dugang pang mga lagda aron ipaabot ngadto kang Noynoy ang ilang suporta.

Matud pa niini nga tuyo sa grupo nga tabangan ang nasud pinaagi sa pagsuporta sa hustong kandidato nga kung modaog maoy modala sa renda sa panggobiyerno sa Pilipinas.

“We believe that this guy Noynoy is a decent man. He will always honor the memory of his martyred father Ninoy (Benigno II) and the legacy of his mother Cory (Corazon) in their historic role in ending the Marcos dictatorship,” matud pang Barcenas.

Si Barcenas midugang nga daghang mga tawong miingong walay kwalipikasyon si Noynoy aron mahimong presidente, apan ang ilang pundok nagtuong di gyud kwalipikado si Noynoy sa kurapsyon, pangawkaw, ug kahiwian maoy hisgutan. - BANAT NEWS