Cuenco di modagan pagka-mayor

CEBU, Philippines - Posibleng dili na makadagan sa pagkamayor sa siyudad sa Sugbu si Cebu City South District Congressman Antonio Cuenco karon umaabot nga election, kini kun mohinayon pagdagan si Senador Benigno “Noynoy” Aquino ug Senador Mar Roxas sa pagka-presidente ug pagka bise-presidente sa 2010 presidential elections.

Si Cuenco sa interview sa DyRF nagkanayon nga posibleng siya maoy mangulo sa pagpangampanya dinhi sa Sugbu, Central Visayas ug ubang mga Bisaya nga probinsiya alang sa kandidatura ni Noynoy ug Mar.

Posibleng ako’y mahimong front man ni Noynoy dinhi sa Cebu, sa Central Visayas ug mga Cebuano speaking areas. Not necessarily nga modagan ko pagkamayor....kay wa nako’y igong panahon niini. Mao lang ni ang usa sa mga consequences,” sigon pa ni Cuenco.

Samtang andam usab si Cuenco sa pagpakig-uli sa ilang maayong kabubut-on ngadto kang kanhi Senador Sonny Osmeña.

Sa iyang bahin si Sonny Osmeña sa laing interview sa DyRF nagkanayon nga bukas usab siya sa pag-uli nila ni Cuenco alang sa paghiusa sa oposisyon dinhi sa Sugbu. - Chester Abadilla (BANAT NEWS)