Gikulata gidunggab angol sa paregla

CEBU, Philippines - Gidunggab human kulataha ang usa ka tawo sa miparegla kaniyang grupo sa mga estambay didto sa Tres De Abril, barangay San Nicolas, ning dakbayan sa Sugbo sa miaging gabii.

Ang biktima mao si Jeffrey Salvador, 34, nga taga P. Del Rosario Extention, barangay Sambag 1,

Misaysay ang biktima ngadto sa kapolisan nga samtang naglakaw siya sa karsada sa Tres de Abril, kalit lang mitungha ang grupo sa mga tawong wala hiilhi ug dihadiha gitabangan dayon siya og kulata sa walay igong hinungdan..

Dihang nasuta sa mga bugoy nga lig-on kaayo ang biktima kay wala kini matumba sa ilang kumo, usa sa mga kauban sa grupo, milanit og kutsilyo ug gihansak kini sa buko-buko sa biktima.

Dihang nalup-og ang biktima sa yuta, mikaratel sila og panagan ug gibiyaan ang biktima nga samdan.

Misakay og taxi ang biktima paingon ngadto sa tambalanan samtang ang kapolisan padayon pa karon sa pagpangita sa mga namaregla. (BANAT NEWS)