5 ka cartoon girls napriso

CEBU, Philippines - Nadakpan sa kapolisan ang lima ka gikatahapang cartoon girls ug usa ka lalaki nga nagsilbing bugaw sa dalan Sotero Cabahug sa barangay Centro, dakbayan sa Mandaue alas 10 pasado ang takna sa miaging gabii.

Ang pagsikop sa mga cartoon girl ug bugaw nahimo dihang nagpatrolya ang kapolisan sa Presinto 1 sa Centro Police Station sa maong dapit.

Si PO3 Arthur Cuyos mibutyag sa Banat News nga lakip sa nasikop uban sa lima ka cartoon girls, mao ang 29 anyos nga dalaga nga taga Alumnos Basak, dakbayan sa Sugbo.

Ang bugaw nadakpan sa kapolisan nga nanghagad og mga lalaki nga makighilawas sa mga cartoon girls diha sa reclamation area sa dakbayan sa Mandaue.

Ang mga dinakpan nagpahayahay na karon sa prisohan sa kapolisan sa maong dakbayan ug gitakdang pasakaan og kasong bagransya ngadto sa hukmanan. – BANAT NEWS