Tomas mihimakak nga "utok" niini
CEBU, Philippines - Kusganong gihimakak ni Cebu City Mayor Tomas Osmeña nga siya maoy utok sa pag-awhag sa Konseho sa dakbayan ngadto sa Kongreso nga himoan og congressional inquiry ang Capitol-Balili deal.
“People might think I must have been the mastermind because I don’t have the time for this, this is very counterproductive,” asoy pa sa mayor sa mga tigbalita.
Gihulagway ni Osmeña nga di makatabang ang Kongreso sa maong isyu sanglit dili kini korte.
“I want it to be very clear, you can’t find someone guilty in Congress. The job of congress is not be judicial, it is legislative. Their job is to make a law. Sometimes to make a law they will investigate into something in aid of legislation. Unfortunately, Congress is sometimes used in aid of prosecution instead of legislation, that’s why I am not in favor of it,” pasabot pa sa mayor.
Samtang gikwestyon usab ni Osmeña ang imbestigasyong gimando ni Garcia ngadto sa National Bureau of Investigation-7 kabahin sa mga kahiwian sa Balili deal sanglit manag-fraternity brothers si NBI-7 director Medardo Delemos ug Rep. Pablo John Garcia sa law school.
Matud pa sa mayor mas maayong ubang tawo nga di konektado sa mga Garcia maoy paimbestigahon kinahanglan kadtong mga independenteng ahensya gyud.
Apan miklaro hinuon si Osmeña nga ligdong ug limpyo ang record ni Delemos apan mipadayag nga mas maayong molikay nalang gyud kini sa maong isyu.
Si Delemos sa balita sa Balitang Bisdak kagahapon mibutyag nga di maapektahan ang propesyonal niyang trabaho sa pagka-brod niya sa igsuon sa gobernador. - Gikan sa The Freeman (BANAT NEWS)
- Latest
- Trending
