CEBU, Philippines - Naangol ang usa ka guwardiya kay nabuthan kini pag-unay sa kargada niyang kalibre 38 nga revolver didto sa sitio Ibabao, barangay Agus, dakbayan sa Lapulapu sa miaging gabii.
Ang biktima mao si Joey Mahinay, 23, ulitawo nga guwardiya sa usa ka establisamento nga nahimutang sa sitio Ibabao.
Si PO3 Candido Baringue sa homicide section sa kapolisan sa maong dakbayan mibutyag sa Banat News nga padulong sa iyang trabaho si Mahinay dihang hinay niyang giluklok ang iyang armas sa iyang hawak, apan nakablitan niya ang gatilyo niini ug mibuto.
Si PO2 Baringue miingon nga didto motaroy ang bala sa hawak sa biktima ug maayo gani kay wala maitlog,
Si Mahinay gihatod dayon sa Mandaue District Hospital. - Romeo T. Limpangog (BANAT NEWS)