CEBU, Philippines - Gipasakaan kagahapon og kasong psychological abuse ug physical injury ang usa ka 25 anyos nga lalaki gumikan sa pagpanghasi niini sa usa ka menor de edad ug mipuspos og binugha sa uyoan sa maong batan-on didto sa sitio Purok 8 Camputhaw, barangay Lahug, ning dakbayan sa Sugbo niadtong Domingo.
A ng suspetsado mao si Warren Secula, 25 anyos usa ka Service Technician, nga taga Camputhaw.
Ang arresting officer sa kapolisan nga si Mitsell Lawas mibutyag sa Banat News nga ang pagpangharas nahitabo sa balay nila ni Grace (dili timnuod nga ngalan) 15, dihang kalit lang misulod ang suspetsado sa balay sa biktima nga lasbag kaayo ug giguba niini ang pultahan sa balay.
Dihang nakit-an kini ni Dwen-dwen, 25, uyoan sa biktima gibadlong ang maong suspetsado, apan gipusposan hinuon ang nahauna og binugha hinungdan nga nabungi siya.
Gisikop dayon sa mga barangay tanod sa Camputhaw ang suspetsado ug gibalhog kini sa prisohan aron paatugangon sa kasong gisang-at na batok kaniya. (Johar D. Lapasaran USJR Masscom Intern) (BANAT NEWS)