Gipusil buslot paa ug bitiis

CEBU, Philippines - Nabuslot ang paa ug bitiis sa usa ka tawo human kini pusila sa wala hiilhing kriminal didto sa Marcelo Fernan Bridge sa barangay Pusok, dakbayan sa Lapulapu sa miaging gabii.

Ang biktima mao si Alex Bereso, 29, ulitawo, nga taga sitio Mustang, barangay Pusok.

Si PO3 Candido Baringue sa homicide section sa kapolisan sa maong dakbayan miingon nga gikan nga nag-inom ang biktima kuyog sa iyang higala nga si Meljon Alferez.

Samtang naglakaw diha sa taytayan gisundan siya sa wala hiilhing tawo ug gipusil ang iyang paa ug bitiis.

Samtang gihatod sa tambalanan ang biktima misibat usab dayon ang miluthang kaniya.

Padayon pang gipangita sa kapolisan karon ang kriminal.- (Romeo T. Limpangog ug Bong Soriano)