Akrho gipusil angol

CEBU, Philippines - Naangol ang usa ka sakop sa Alpha Kappa Rho (AKRHO) human kini pusila sa gituohan sa kapolisan nga laing sakop sa grupo sa fraternity didto sa sam-ang sa barangay Lorega San Miguel , ning dakbayan sa Sugbo kagahapon sa kaadlawon.

Ang biktima mao si Japhet Sanchez, 18, ulitawo nga taga Jaime Compound, sa barangay Tipolo.

Sumala sa kapolisan , ang biktima gikan nga milaag kauban sa iyang mga barkada ug uyab dihang kalit lang giluthang paghiabot nila sa dapit sa menteryohan.

Hinuon kaya ra kaayo sa biktima ang iyang samad kay sa bitiis ra man siya maigo sa bala sa wala hisayring kalibre sa armas ug anaa siya karon sa Cebu City Medical Center, samtang gipangita pa sa kapolisan ang nakapusil sa biktima. - Lesley Caminade (BANAT NEWS)