CEBU, Philippines - Giawhag ni Mayor Tomas Osmeña ang mga sakop sa konseho sa siyudad sa Sugbu nga amendahon ang existing ordinance pagpanakop sa mga traysikad nga nag-operate sa non-designated areas dinhi sa dakbayan.
Si Konsehal Jose Daluz III, miingon nga usa siya sa gitahasan sa proposed City Ordinance 2184 nga ma-amendar nga wagtangon ang particular portion sa maong ordinansa nga nagkanayon sa higayon nga makompiskar ang sidecar niini tangtangon gikan sa unit ug ideposito pabor sa siyudad.
Daghang mga traysikad ug operators mihangyo ni Daluz ug ubang mga opisyales sa siyudad nga ibalik ang tibuok unit sa traysikad ug mipadayag pa nga andam silang mobayad og usa ka libo ka pesos nga multa kun madakpan silang namasahero sa mga lugar nga wala itugot kanila. – BANAT NEWS