Mga department head pareporton sa ilang gasto

CEBU, Philippines – Gimanduan ni Gobernador Gwendolyn Garcia ang tanang department heads sa Kapitolyo nga mosumiter og report kalabot sa nagasto sa ilang tagsa-tagsa ka mga departamento sukad paglingkod sa gobernador.

Matud ni Atty. Rory Jon Sepulveda, Capitol consultant on revenue and information sa Kapitolyo nga gustong mahibaw-an sa gobernador kung pila na gyud ang nagasto sa probinsya sa Sugbu sa pagtukod niini og mga proyekto alang sa mga Sugboanon.

Gitin-aw ni Sepulveda ngadto sa mga kritiko sa gobernador nga wala mag-usik-usik sa mga lider sa Kapitolyo ang pundo sa probinsya gumikan kay gitukod man kini og mga kadalanan, eskuylahan ug uban pang mga proyekto sa probinsya nga napahimuslan na karon sa mga Sugboanon.Samtang gipahibawo ang gobernadora nilarga na paingon sa New York City human kini gi-imbitar sa grupo sa mga negosyante didto kinsa ang naulahi mahimong usa sa mga guest speaker sa pagahimuong Philippine Investment Forum didto sa Amerika.

Tumong ug tuyo niining gusto sa mga Amerikanhong negosyante nga ilang mahibaw-an kung unsa nay dagan sa mga patigayon sa probinsya sa Sugbu ug kini mao usab ang higayon sa gobernador paghaylo sa maong mga negosyante nga mamuhunan sa lalawigan. – Rey Pasaporte (BANAT NEWS)