Kapitolyo naghuwat sa sumbong ni Baquerfo

CEBU, Philippines – Gipaabot sa taga Kapitolyo ang pormal nga sumbong ni Mayor Rogelio Baquerfo bahin sa iyang pasangil nga gipangawat ni Demetrio Granada ang mga kahimanan sa mga sakyanan sa gobyerno sa Tudela.

Matud pa ni Engr. Rodolfo Quiroga , hepe sa Cebu Provincial Planning kun madawat nila ang maong sumbong dihadiha ila dayong imbentaryuhon ang tanang dapat sa mga sakyanan ug mga butang sa opisina sa mayor nga giingong gipangawat ni Granada aron pabayran niini.

Midugang usab si Bernard Calderon ang hepe sa General Services Office nga sila gyu’y mangunay sa pag-inspection sa tanang nawagtang didto sa Tudela aron maila kun pilay bayranan ni Granada.

Ang katawhan sa Tudela nagkanayon nga ang ila ra gyung nahadlokan ni Granada kaniadto mao ang bahad niining mopaulbo og mga granada. – Chester Abadilla (BANAT NEWS)