CEBU, Philippines - Usa ka lolo nga masakiton og kasing-kasing naghikog –patay sulod sa ilang balay sa sitio Purok Nangka, barangay Sangi, dakbayan sa Toledo kagahapon sa kaadlawon.
Siya mao si Ruperto Reyes Sr. 72, minyo, nga taga Purok Nangka kansang liog gihiktan og pisi ug gigaid ang pikas tumoy niini sa sagbayan sa ilang balay.
Si Cenaida nga iyang asawa misugilon sa kapolisan nga daan nang naglaraw nga magpakamatay ang iyang bana tungod sa sakit sa kasing-kasing niini. - BANAT NEWS