Gipusil sa pasahero

CEBU, Philippines – Usa ka drayber sa habal-habal ang nalandig sa tambalanan human pusila sa iyang pasahero nga mikarnap sa iyang motorsiklo niadtong Miyerkules sa gabii diha sa barangay Candulawan, dakbayan sa Talisay. Samdan sa abaga ug walang bahin sa tiyan si George Banogbanog, 30, taga sitio Mahayag, barangay San Isidro sa nahisgutang siyudad nalandig sa Talisay City District Hospital. Matud pa ni PO2 Roelito Tano si Banogbanog gisakyan og tulo ka pasaherong lalaki diha sa Tabunok ug nagpahatud diha sa Candulawan apan pag-abot sa nahisgutang dapit gipahunong sa tulo ang biktima ug nanganaog. Apan nakuratan nalang kini nga imbes plete ang itunol kalit hinuon gipusil sa usa ang biktima. – Brenda Batuto (BANAT NEWS)