CEBU, Philippines – Motapos na karong adlawa ang ika-upat nga batch sa mga magtutudlo sa grade 1 sa publikong mga tunghaan sa dakbayan sa Sugbu nga gipaubos sa Mass Training.
Ang tanang magtutudlo sa grade 1 maoy gipaubos sa usa ka semana nga training ug gitudloan sa sekreto nga daling makat-on ang mga tinun-an niini sa pagbasa.
Kini tungod kay naobserbahan sa City Schools Division nga dunay mga tinun-an sa grade 1 sa nangaging school year nga dili maantigong mobasa.
Dili buot si City Schools Division Superintendent Doctor Lorna Rances nga mahuman na lang ang kasamtangang school year nga dili maantigong mobasa ang mga tinun-an. “After sa seminar mag-expect mi nga wala nay non-reader sa mga tinun-an sa grade 1 at the end of the school year,” sumala ni Rances. – Elly Bolonos (BANAT NEWS)