CEBU, Philippines – Banggiitang tulisan sa dakbayan sa Mandaue nasikop human sa usa ka tuig nga pagtagotago human mitulis ug mipusil sa usa ka cashier sa usa ka botika sa lungsod sa Consolacion.
Ang nasikop mao si Ivy Abasolo, 33, taga sitio Fatima barangay Jagobiao dakbayan sa Mandaue pinasikad sa warrant of arrest nga giluwatan ni Mandaue City Judge Ulrich Cañete sa RTC branch 55 sa kasong robbery with serious physical injury.
Ang pagpanulis ug pagpusil nahitabo niadto pang milabay’ng tuig dihang giatangan sa suspek ang kahera sa maong botika diha sa Consolacion ug gitulis kini dayon gipusil.
Nasigpatan si Abasolo niadtong milabay’ng adlaw diha sa sitio Fatima sa Jagobiao dakbayan sa Mandaue hinungdan nga kini gisikop.
Nasuta usab sa kapolisan nga si Abasolo aduna pay pending warrant sa dakbayan sa Sugbu ug sa dakbayan sa Lapulapu sa kaso gihapon sa pagpanulis. – Bong Soriano (BANAT NEWS)