Mandaue City College, State College na karon

CEBU, Philippines – Gihangop ni Dr. Paulus Marie Cañete ang hingpit nang pagkahimong Mandaue State College sa Mandaue City College (Jagobiao Campus) nga iyang gidumala.

Kini sa dihang giaprobahan sa Kongreso ang duha ka balaodnon ni Kongresista Nerissa Soon Ruiz sama sa House Bill 6312 nga nagmugna sa Mandaue State College ug ang House Bill 6313 nga nag-usab sa Cordova Public College ngadto sa pagka-Cordova State College of Science and Technology .

Ang duha ka mga State Colleges pulos nagtanyag og mga undergraduate ug graduate studies sa natad sa arts, sciences, education, engineering ug technology ug uban pa.

Kini may kaugalingon nang gahin nga gimbut-an sa kagamhanang nasyonal. – Romeo T. Limpangog (BANAT NEWS)