CEBU, Philippines – Napalgang nagbitay sa pisi ang usa ka 22-anyos nga dalaga sulod sa gipuy-an niini sa barangay Guizo, dakbayan sa Mandaue alas 7 pasado ang takna sa miaging gabii. Ang gituohang naghikog mao si Sharon Escaran, lumad nga taga Sta. Fe sa Bantayan Island ug temporaryong nagpuyo sa panimalay ni Rogelio Turno sa maong dapit.Ang kapolisan sa Presinto 1 Centro Police Station nagkanayon si Mario Ramos, 46 ug Lito Ortiz, 35, nga pulos nagpuyo usab sa maong dapit maoy nakakita sa patay’ng dalaga. Gisuwayan pa unta nila kini pagdala sa Mandaue City District Hospital apan gideklarar kining patay na. Sa imbestigasyon sa homicide section giingong daan nang gitug-anan sa dalaga ang iyang maguwang babaye nga nag-away sila sa iyang uyab.Usa ka pisi nga nylon maoy gigamit sa dalaga paghikot sa iyang liog atol sa paghikog. – Romeo Limpangog (BANAT NEWS)