... Dancing Inmates naguol

CEBU, Philippines – Ang kamatayon sa King of Pop nakapasubo sa mga piniriso sa Cebu Provincial Detention and Rehabilitation Center kon CPDRC.

Kahinumduman nga dako ang papel sa sikat nga kantang “Thriller” ni Michael Jackson human kini maoy ilang giduyog sa ilang pagsayaw nga nakaingon nga misikat ang “Dancing Inmates” diha sa YouTube sa internet.

Si Capitol Consultant on Security Byron Garcia kinsa mao usab ang nagdumala sa CPDRC nga niabot na 23.4 ka milyon ka mga viewers ang nitaw-an sa YouTube human sa kapin usa ka tuig na sa pag-posting niini.

Nunot sa pagpanaw ni Michael Jackson subling mo-upload og video ang “Dancing Inmates” karong Hulyo 17, 2009 atol sa adlaw'ng natawhan ni Byron Garcia. – Chester Abadilla (BANAT NEWS)