Piniriso mobotar

CEBU, Philippines – Subling mohangyo ang kadagkuan sa Cebu City Jail ngadto sa Cebu City Comelec Office nga mohimo og satellite registration diha sa maong bilangguan.

Kini bisan pa man kung gibasura na ang nahauna niining request tungod usab sa giingong kadaghan pa sa mga nagparehistro diha sa nahisgutang buhatan.

Malaumon si City Jail Warden Supt. Efren Nemenio nga niining higayuna mosugot na ang Comelec sa ilang hangyo, kini ilabi na nga gisugyot ni Comelec Commissioner Rene Sarmiento ang pagpahigayon og satellite registration sa nagkadaiyang prisuhan lukop nasud.

Gihangop ni Nemenio ang maong lakang tungod kay giingong mas taas ang security risk kung pagawson ang mga inmates sa bilangguan.

Nasayran nga ang City Jail nangayo na og court order aron usab sa pagdala sa kapin sa 300 ka mga binilanggo ngadto sa Cebu City Comelec. – Elly Bolonos (BANAT NEWS)