CEBU, Philippines – Gumikan sa prostate cancer, usa ka retiradong sundawo naghikog atubangan sa iyang apo gumikan kay wala na kaagwanta sa maong sakit didto sa sitio Mahayahay barangay Apas, dakbayan sa Sugbo sa miaging hapon.
Ang naghikog mao si retired 2nd Lieutenant Bienvinido Bacus Sr. sa Philippine Army kinsa migamit sa iyang .357 paltik nga revolver sa pagpusil sa iyang baba nga milapos sa likod nga bahin sa iyang ulo.
Misaysay ang iyang 16 anyos nga apo nga naglingkod nga nalingaw nga nagtan-aw sa salida sa TV ang biktima ug sa kalit miulbo lamang ang buto sa armas niini.
Ang mga kabanay ug ang kapolisan nga misusi sa maong hitabo nagtuo gyud nga gumikan sa sakit nga prostate cancer, maoy hinungdan nga naghikog ang biktima. – Lesley Caminade (BANAT NEWS)