Economic zone tukoron sa 4th district

CEBU, Philippines – Si Kongresista Benhur Salimbangon nagplano nga magtukod og Economic Zone didto sa ika-upat nga distrito alang sa mga molupyo sa maong lugar.

Matud pa ni Salimbangon nga may gidapit na siyang mga negosyante nga gikan ra dinhi sa nasud ug sa China aron mobubo og puhunan didto sa iyang distrito.

Miingon si Salimbangon nga pinaagi sa pagbutang og economic zone didto sa iyang distrito hayag kaayo nga makahatag kini og maayong panginabuhi sa tanang mga molupyo didto.

Kini tungod kay makatrabaho na kadtong mga walay trabaho, matud ni Salimbangon. – Rey Pasaporte (BANAT NEWS)