CEBU, Philippines – Nabukobuko ang usa ka lalaki human gipusil atubangan sa Alaska –Mambaling Elementary School nga nahimutang sa sitio Wang-Yang barangay Alaska Mambaling pasado alas dos sa hapon kagahapon sa hapon.
Ang biktima nailhan sa ngalan nga Ryan Dela Cruz, 21, molupyo sa maong lugar samtang ang suspetsado giilang si Gilbert Labitad, molupyo usab sa nahisgutang lugar.
Base sa imbestigasyon sa kapolisan nagbaklay ang biktima sa maong dapit nianang tungura dihang gisundan kini sa suspetsado ug dihang nakaduol kalit nga gipusil og pugakhang ang luyo niini.
Human sa pagpamusil mikaratel og dagan ang suspek samtang gidala ang biktima sa Cebu City Medical Center.
Si PO3 Leroy Baguio sa Cebu City Police Office Homicide Section sa pakighinabi sa Banat News nagkanayon nga ilaha pang gisusi ang motibo sa pagpusil gumikan kay dili pa maestoryahan ang biktima diha sa tambalanan.
Si PO3 Ronald Ybañez sa Mambaling Police station sa pakighinabi sa Banat News nagkanayon nga base sa ilang nakuhang kasayuran duna nay panagbingkil ang duha kaniadto pa. – Lesley Caminade (BANAT NEWS)