CEBU, Philippines – Nakabsan dihadiha sa kinabuhi ang usa ka ulitawo human pusila sa ulo sa “rugby boy” didto sa Poblacion, dakbayan sa Lapulapu sa miaging gabii.
Si SPO2 Rolito Jumao-as sa homicide section sa kapolisan sa maong dakbayan miila sa biktima nga si Ricky Derota, 17, ulitawo nga taga Poblacion, samtang ang mipatay kaniya nailhan lang nga usa ka rugby boy kansang ngalan wala hisayri sa kapolisan.
Matud pa ni SPO2 Jumao-as nga nagbarog ra sa daplin sa karsada ang biktima dihang giulo kini pagpusil sa kriminal.
Gihatod dayon ngadto sa Lapulapu City District Hospital ang biktima apan gideklarar kini sa mga doktor nga dead on arrival.
Samtang ang kriminal dali usab kaayong nakasibat ug mipahilayo sa maong dapit ug padayon pang gipangita karon sa kapolisan. - Romeo T. Limpangog (BANAT NEWS)