Taxi drayber sa 'rape'sa 2 amang giabsuwelto

CEBU, Philippines – Gipabuhian kagahapong adlawa ang taxi driver nga gipasanginlang kakunsabo sa usa ka lalaking milugos sa duha ka mga amang sa dakbayan sa Mandaue.

Si Ronald Briones sa piskaliya sa dakbayan sa Mandaue human wala mapamatud-i nga duna kini aktuwal nga partisipasyon sa paglugos sa duha ka mga amang diha sa Hernan Cortes sa barangay Subangdaku niadtong nilabay’ng semana.

Si Briones gipabuhian ni piskal Henry Pascua sa Mandaue City Prosecutors Office kagahapon sa alas tres sa hapon human sa pagtimbang-timbang nga huyang ang mga ebidensya batok niini. Si PO3 Luzviminda Langbid sa Womens Desk sa Parian Police Station nga gikahinabi sa Banat News nagkanayon nga ilang gihimo ang tanan sa kaso apan nakalingkawas gyud ang driver nga si Briones

Matud pa niini nga dihang gihimo nila ang makuting imbestigasyon inabagan sa interpreter nga si Clark Pelaez nasuta nga wala gyuy kalambigitan ang driver. Giingong ang pasahero ra gyud niini maoy miguroy sa duha ka mga amang diha sa may Gen. Maxilom Ave. ning dakbayan sa Sugbu ug nagtuo ra kining higala sa maong lalaki ang duha nga iyang gihatud diha sa Mandaue. - Guam Logroño (BANAT NEWS)