Mihangyong makapanagat og balik sa Cordova

CEBU, Philippines – Nagpanon ang mga mananagat sa barangay Poblacion ug Cansojong, dakbayan sa Talisay sa buhatan ni Mayor Socrates Fernandez sa milabay’ng adlaw aron mangayo og tabang nga tugotan silang makapanagat ngadto sa kadagatan sa Cordova.

Sobra sa 20 ka mananagat ang nagpatabang sa mayor gumikan kay menus na kaayo ang isdang makuha sa kadagatan sa Talisay tungod usab sa mga nanulod na nga mga dagkong barkong panagatan sa ilang dakbayan.

Ang Cordova nga dunay daghang mga gasang ug takot sa palibot bastante pa sa isda.

Si Fernandez napahibalo nang daan sa tsirman sa kalikupan sa Konseho nga si Konsehal Bernard Odilao kabahin sa maong problema mipasabot sa mga mananagat nga maghuwat pa sila sa tubag sa suwat nila ngadto kang Cordova Mayor Adelino Sitoy.

Sumala pang Fernandez nga hangtud wala pay tubag ang mayor sa Cordova anha lang una sila papangisdaon sa kadagatan sa Talisay. - Brenda D. Batuto (BANAT NEWS)