CEBU, Philippines – Namatay ang usa ka 22 anyos nga lalaki human kini pusila sa wala hiilhing kriminal didto sa barangay Awihaw siyudad sa Toledo niadtong Domingo sa alas 3:15 sa hapon.
Ang biktima mao si Juan Canillo, 22, ulitawo nga taga Lower Awihaw .
Gibutyag ni PO2 Dante Hilo sa Toledo City Police Station sa Banat News nga naglakaw ang biktima sa karsada paingon nga mopauli sa ilang balay dihang giatngan siya sa kriminal ug sa walay estorya gipusil kini.
Naigo ang walang abaga sa biktima apan ang bala sa wala hisayring kalibre sa armas de fuego milapos sa iyang dughan nga maoy hinungdan sa kamatayon sa biktima.
Midugang si PO2 Hilo nga may gikalalis ang biktima nianang gabhiona atol sa piyesta sa Awihaw ug gituohan sa mga otoridad nga kadtong gikalalis sa biktima maoy mipatay sa naulahi. – BANAT NEWS