Saba'ag baba gipusil sa kompare

CEBU, Philippines – Usa ka lalaki kinsa sabaan kaayo og baba, napusilan sa iyang kompare samtang nagbilar sila sa namatay nilang silingan sa sitio Siwak, barangay Bulacao, dakbayan sa Sugbo sa miaging gabii.

Ang biktima mao si Audie Tacatani, hingkod, nga taga Siwak, samtang ang suspetsado mao usab si Junior Cabaluna, hingkod, nga iyang silingan.

Ang kapulisan sa dakbayan sa Sugbo mibutyag nga samtang nagduwa og mahjong ang biktima puwerti kunong sabaa niini, busa ang suspek nga wala makauyon   mibadlong sa biktima apan mikulisiw kini sa kasuko ug didto nagsugod ang ilang lalis.

Apan ang suspek kinsa nakabsan sa katarungan giingong milakaw ug dihang nahibalik na may dala na kining    armas de fuego.

Matud pa sa kapolisan nga gitionan dayon sa iyang armas ang biktima uban sa pag-ingon nga “pasayloa ko pre” ug pagbuto sa armas didto motaroy ang bala sa tiyan sa biktima. Pagkahagba sa biktima sa yuta gisakwat dayon kini sa mga silingan ug gihatod dayon ngadto sa Cebu City Medical Center samtang ang suspek mikaratel og dagan ug wala gyud hisakpi sa kapolisan. - Lesley Caminade (BANAT NEWS)