AIDS candlelight saulogon sa Mayo 22

CEBU, Philippines - Saulogon sa mga dakbayan sa Sugbu, Lapulapu ug Mandaue ang ika-28 nga Annual International Aids Candlelight Memorial karong Mayo 22.

Matud ni Doctor Ilya Tac-an ang STD/HIV/AIDS coordinator sa siyudad sa Sugbu nga nagkasabot ang tulo ka mga dakbayan nga magdungan kini sa pagsaulog uban sa pagdagkot og kandila agig pahinungod sa mga nangamatay sa sakit nga AIDS.

Samtang magsiga ang mga kandila, ipahigayon usab ang lektura bahin sa sakit nga AIDS nga wala pay nadiskobrehang tambal, uban sa pagpasidaan sa katawhan sa kapeligro sa maong sakit.

Niadtong Sabado gipadagkot na og kandila ug gipataod usab og pula nga ribbon ni Dr. Tac-an ang mga balay kahilayan sa dakbayan sa Sugbo tungod kay sa maong adlaw mao may tukmang petsa sa pagsaulog sa ika-28 ka tuig sa maong kalihokan.

Matud pa ni Dr. Tac-an nga mokabat na sa 85 ka tawo ang namatay sa sakit nga AIDS dinhi sa Sugbu gikan sa 1989 diin usa ang nalista niining tuiga.

Midugang si Tac-an nga mao kini dangatan sa mga tawo nga magpatuyang sa pagsinirok sa pagpakighilawas sa mga lalake o babaye nga masakiton na og AIDS.

Ang tema sa pagsaulog sa International Aids Candlelight karong tuiga mao ang “Together, We Are The Solution”. (Elly Bolonos)nagbutyag nga sobra ra kaayo ang gilawmon sa maong lungag alang sa usa ka compost pit.

Sama kang Rama, nagduda usab ang konsehal nga dunay gipahigayong treasure hunting diha sa nahisgutang tunghaan.

Giduso gilayon ni Carillo ngadto sa Cebu City Schools Division ang ilang findings ug recommendations alang sa tukmang lakang nga himoon.

Apan si City Schools Division Superintendent Doctor Lorna Rances mitukod usab og komitiba nga mopalawom sa gipahigayong imbistigasyon.

Pormal nang gisugdan ang fact-finding investigation niadtong Biyernes ug gipaabot ni Rances nga kini makaduso na og rekomendasyon ugmang adlawa.

Lakip sa gipaimbistigar ni Rances sa gitukod nga komitiba mao ang mga nagkawot sa lungag ug ang agriculture teacher gawas sa principal.

Gipasalig ni Rances ang pagpahamtang og disciplinary action kung masuta sa gihimong pakisusi nga dunay nahimong kalapasan ang mga hingtungdan. - Elly Bolonos  (BANAT NEWS)