Pangulata paimbestigahan ni Rama

CEBU, Philippines - Ang pangulo sa kapolisan sa dakbayan sa Sugbu Sr. Supt. Patrocinio Comendador miawhag sa mChocolate with love! Mao ni ang teGitahasan karon ni Cebu City Acting Mayor Michael Rama ang City Attorney’s Office nga moimbistigar sa gikatahong pagpangulata niadtong miaging semana nga naglambigit sa personnel sa One Stop Towing Services.

 Ang acting mayor miduso na sa mga dukumento nga iyang nahipos gikan sa kapulisan ingon man sa City Traffic Operations and Management (Citom).

Wala makombinsir si Rama sa nagkalain-laing bersyon sa nahisgutang hitabo hinungdan nga iyang ipaimbistigar sa City Legal Office.

Gihatagan lang sa acting mayor ug usa ka semana ang City Attorney’s Office pagpatubag sa isig ka habig ug pagduso og rekomendasyon.

Gipadayag ni Rama nga kung dunay angayang manubag sa maong insidente kinahanglan nga kini pahamtangan og tukmang silot.

Gikataho hinoon nga gisuspenso na ang pipila ka towing service personnel nga giingong nalambigit sa nahisgutang kontrobersiya.

Ang gisuspenso sugod niadtong miaging adlaw mao ang driver ug team leader nga si Glencel Arnaiz uban nilang Handy Cabajar ug Gerald Boyo.

Nasayran nga ang traffic enforcer nga sakay usab sa towing truck niadtong higayona nga si Clyde Arriola gidestino na usab sa laing pwesto.

Alang kang Rama tukma lang ang nahisgutang lakang samtang gipahigayon pa ang imbistigasyon nga ilang gilambigitan.

Ang nahisgutang mga personnel lakip sa migukod nilang Freddie Teopez ug Jackson Cañete tungod lang sa kalapasan nga wala mag-helmet.

Gikataho nga nalandig sa tambalanan si Teopez tungod sa giingong pagkulata ni Arnaiz human usab natumba ang motorsiklo niini dihang gidumbol sa towing truck. - Elly Bolonos (BANAT NEWS)