Motor vs. motor 1 ang patay

CEBU, Philippines – Usa ang namatay ug laing usa usab ang kritikal ang kahimtang dihang nagsungag ang ilang mga motorsiklong giluwanan sa miaging gabii sa dalan H. Abellana sa barangay Canduman, dakbayan sa Mandaue.

Ang namatay mao si Gerald Pit Obando, 17, taga barangay Canduman samtang grabeng naangol si Jay-R Geva, 24, nagpuyo usab sa maong dapit.

Si SPO3 Timoteo Quirol sa Traffic Section sa Mandaue City Police Office (MCP0) dihang nahinabi sa Banat News miingon nga pulos kusog nga nagdagan ang duha ka motorsiklo gikan sa managlahing dapit sa maong dakbayan.

Sa ilang paghidangat sa maong dapit daw pulos sila nakuratan ug nawad-an og kontrol hinungdan sa ilang panagsungag ug tungod sa ka kusog sa panagbangga nangadakdak sa dalan ang duha.

Ang duha pulos gidala sa Don Vicente Sotto Memorial Medical Center apan si Obando ang gideklarar nga dead on arrival.

Nasuta sa kapolisan nga walay lisensiya si Obando samtang expired usab nga TOP ang gihuptan ni Geva. (Romeo Limpangog) sa kampo himuon ang transaksyon. - Guam Logroño (BANAT NEWS)