2 kapitan operator og masiao

CEBU, Philippines – Ang pangulo sa Provincial Intelligence Branch (PIB) Chief Inspector Maria Elma Delos Santos mibutyag nga adunay duha ka mga barangay kapitan sa Norte sa lalawigan sa Sugbu nga mga financier ug masiao protector.

Matud pa ni Delos Santos ang mga concerned citizen na sa ilang mga dapit maoy mireklamo kabahin niini hinungdan nga ilaha nang gisusi ang maong mga barangay officials.

Giingong gawas sa duha duna pay laing mga opisyales sa barangay sa probinsya sa Sugbu ang nalambigit sa masiao apan pulos palang kini mga report ug wala pa makumpirmar.

Gihulagway niyang mas kusog ang masiao sa norte nga bahin sa lalawigan sa Sugbu kun ikumparar sa south apan ang maong illegal nga sugal mikatap na sa probinsya sa Sugbu.

“For me mas kusog ang north but the proliferation is provincial wide for the barangay official I can’t say asay daghan kay di man ko mo-confirm unless ako madakpan kay basin political unya ang reports, as of now there are two barangay kapitan that are reportedly involved and this are in the northern area this will be confirmed once madakpan sila,” sumala pa ni Delos Santos.

Niadtong milabay’ng semana duha ang nadakpan sa mga sakop sa PIB didto sa lungsod sa Catmon nga sila si Ramir Anciano ug Alfredo Mauricio kinsa mipasangil kang PO3 Rodulfo Camay sakop sa Regional Health Service nga maoy financier sa masiao.

Duna nay special report nga gisumitir ngadto sa Regional Intelligence Division sa (RID) Police Regional Office (PRO-7) kabahin sa report nga kalambigitan sa maong polis. - Guam Logroño (BANAT NEWS)