CEBU, Philippines – Ipatawag sa Hunta Probinsyal ang Pag-asa atol sa ilang sesyon karong umaabot adlaw Lunes.
Si Bokal Victor Maambong maoy mipanday og resolusyon nga nag-awhag kang Oscar Tabada ang hepe sa PAG-ASA Mactan dinhi sa Central Visayas pagpatambong sa sesyon karong Lunes.
Maoy tinguha ni Maambong nga mahatagan sila og kasayuran sa Pag-asa kun unsa nga mga lugar dinhi sa Sugbu ang mga landslide prone area.
Kini aron kabutangan og mga instrumento nga makatabang aron malikayan ang dautang epekto niini ilabina sa mga molupyo sa mga lugar nga matumbok nga piligro sa landslide.
Mihimo ning maong lakang ang hunta probinsyal ilabina kay sugod karong bulana, panahon na sa ting-uwan.
Gusto usab mahibaw-an sa hunta probinsyal kun pila ka mga bagyo ang moigo dinhi sa Sugbu karong tuiga. - Rey B. Pasaporte (BANAT NEWS)