2 fetus napalgan sa Talisay

CEBU, Philippines – Duha ka puya nga babaye ug lalaki nga pulos gipangsulod og karton ang napalgan sa managlahing dapit sa usa ka barangay sa dakbayan sa Talisay niadtong Miyerkules.

Mga alas 11:00 sa buntag sa maong adlaw si Sofronio Cagang Constante, 48, residente sa sitio Abalo, barangay Cansojong usa ka caretaker sa Aglipay Cemetery sa maong lugar maoy nakakita sa usa ka puyang babaye sulod sa usa ka karton.

Si PO2 Lino Diez sa Talisay City Police Station nga maoy miresponde nagkanayon milibot si Constante sa sam-ang aron mag-inspection dihang nasigpatan niini ang usa ka karton hinungdan nga iyaha kining gisusi ug nasutang puya ang sulod niini.

Laing fetus nga lalaking gibana-banang nagpangidaron og unom ngadto sa pito ka buwan nga gisulod usab og karton ang napalgan sa usa ka katabang nga lalaki sa usa sa mga beach resort diha sa nahisgutang barangay nianang pagkahapon sa samang adlaw.

Si Rolando Cabando, 23, ang daling mitaho sa kapolisan kabahin sa nahisgutang fetus nga lalaki ang gibiyaan diha sa baybayon.

Ang kapolisan sa dakbayan ang mipahigayon og follow-up nga imbestigasyon sa maong mga hitabo. – BANAT NEWS