Gitigbas sa liso'g pangisip

CEBU, Philippines – Natabas ang nawong sa usa ka motorista human kini tigbasa sa usa ka lalaki nga liso og pangisip didto sa barangay Maricaban , Sta Fe ,isla sa Bantayan niadtong Lunes sa alas 2:00 sa kaadlawon.

Ang biktima mao si Nilo Bertuldo, hingkod, minyo, nga taga Santa Fe, samtang ang suspek mao si Lito Espinosa, hingkod nga silingan sa biktima ug daan nang may deperensya sa pangisip.

Nasayran gikan sa kapolisan nga nagsakay sa iyang motorsiklo ang biktima gikan sa iyang suroysuroy dihang gihabas siya sa suspetsado pinaagi sa sundang niini sa walay igong trason.

Maayo nalang kay wala mapikas ang nawong sa biktima ug nadala dayon sa tambalanan ,samtang ang suspetsado nadakpan dayon sa kapolisan ug gibalhog sa prisohan. - Darrel a. Carumba (BANAT NEWS)