Electrician nakuryentihan

CEBU, Philippines – Duha ka electrician ang naangol dihang nakuryentihan sila samtang nagtaod og linya sa kuryente sa usa ka building didto sa barangay Guadalupe kagahapon sa buntag.

Ang mga biktima mao sila si Arnel Guilingan, 22, nga taga barangay Tampa-an, Aloguinsan, ug Ricardo Alesna, hingkod nga iyang silingan.

Nasayran gikan sa kapolisan nga samtang nanaod sa linya ang duha sa ibabaw nga bahin sa KC building, wala kini makabantay sa nagbad-ay nga buhing linya sa kuryente hinungdan nga ila kining nasaghiran ug nangapaso sila.

Si Guilingan maoy nagrabihan ug nasugamak sa third degree burn, samtang si Alesna wala kaayo magrabihi sa paso, apan gipaslak silang duha sa Chong Hua Hospital aron matambalan sa ilang mga paso. - Lesley Caminade (BANAT NEWS)