VCD ug DVD gisakmit

CEBU, Philippines – Napulo ka mga kinahong VCD's ug DVD's ang gisakmit sa mga sakop sa Customs Intelligence and Investigation Services kon CIIS sa Customs Sub-Port sa Mactan sa milabay’ng semana. Matud pa sa team leader sa CIIS sa Customs Sub-Port of Mactan nga si IA1 Julius Galang gisuwayan unta pagpalusot sa Mactan Cebu International Airport kon MCIA ang maong mga kargamento. Ang maong mga kontrabando nasakmit gikan sa tulo ka managlahing shipments sa managlahing petsa luwan sa Philippine Air Lines sugod niadtong Mayo 5, Mayo 7 ug Mayo 8. Ang maong mga kontrabando gikatahong naa sa mga pangalan nila ni Aladin Andang sa dakbayan sa Sugbu; Lee Ong Tan ug Felix Chua sa dakbayan sa Sugbu. Gikatahong "under value" ang deklarasyon niini tungod kay gamay ra ang gideklarar apan daghan gyud sa pagkatinuod ang sulod sa maong mga kahon nga nakalapas sa Tariff and Customs Code of the Philippines. - Bong Soriano (BANAT NEWS)