CEBU, Philippines – Nasayang ang gitinguha ni SPO1 Silas Ceballo, nga mahibalik siya isip hepe sa Compostela Police Station.
Kini human si Supt. Erson Digal ang OIC Director sa Cebu Provincial Police Office (CPPO) mipahibalo nga dili gyud niya tugotang makabalik si SPO1 Ceballo sa iyang katungdanan tungod kay under investigation pa kini sa iyang kaso nga may labot sa pagpusil patay sa iyang igsoon nga si Engineer Malicquias Ceballo. Matud pa ni Digal nga angay nga magpabilin si SPO1 Ceballo sa Provincial Security Service Group (PSSG).
Mipasabot si Digal nga kutob sa ilang mga sakop nga malambigit sa bisan unsang krimin ug ma-relibohan sa ilang puwesto, makabalik lang kini kun masutang wala sila’y kasal-anan. - Guam P. Logroño (BANAT NEWS)