Nanglili sa ginang gamit ang cellphone gidakop

CEBU, Philippines – Natanggong sa karsel sa Fuente Police Station ang duha sa tulo ka mga waiters nga gipasanginlang nanglili sa usa ka ginang nga nangihi sa pansayan sa kan-anang ilang gitrabahoan.

Ang gikatakdang kasuhan mao sila si Jerry Canota, 28, taga Bindoy, Negros Oriental; Benjur Cuna, 20, taga Dalingding Daanbantayan, ug ang wala pa madakping kauban sa duha nga si Benjie Cullamat, taga Luyan, San Remegio.

Sa imbestigasyon sa kapolisan, nangihi ang 26-anyos nga ginang nga taga barangay Guadalupe, Carcar dihang nabantayan niini ang usa ka cell phone nga gibutang diha sa buslot sa pultahan.

Hinungdan nga misiyagit siya pagpakitabang nga nadunggan sa gwardiyang si Edwin Jakosalem ug usa ka polis nga naatol nga diha sa maong kan-anan.

Nasutang ang maong cellphone iya diay ni Canota ug sa pagsinggit sa biktima naratol ang tulo ug nanagan.

Kasong Unjust Vexation ang gipasaka sa maong mga suspetsado lakip na sa naka-ipsot nga si Cullamat. - Lovers Lyn Yangyang (BANAT NEWS)