City jail apil sa ICRC-DILG project

CEBU, Philippines – Mga prisohan sa syudad sa Sugbo usa sa makakuha og benipisyo sa gipahigayong misyon sa Department of Interior and Local Government (DILG) ug International Committee on the Red Cross (ICRC) nga naglaraw nga mapalambo ang “living conditions” sa mga piniriso.

Ang DILG ug ICRC bag-ohay lang nagpinirmahay sa P7 milyones micro-infrastructure project alang sa 9,423 ka mga piniriso sa mga piniling munisipalidad, distrito ug mga dakbayan sa tibuok nasud nga naa sa pagdumala sa Bureau of Jail Management and Penology.

Ang Cebu City Jail maoy usa sa mga bulahang napili sa maong proyekto nga naa sa pagdumala sa BJMP.

Ang maong proyekto naglangkob sa pagbutang og paigong water supply sa nagkadaiyang prisohan, kalimpyo, hustong hangin, maayong pasilidad ug ang pagbutang og mga bio-digesters sa tanang prisohan. - Lesley Caminade (BANAT NEWS)