SPO1 Ceballo bugtong suspek sa kamatayon sa iyang igsoon

CEBU, Philippines – Nagpabilin pang blangko ang kapolisan sa pag-ila sa mamumuno ni Engineer Maliquias Ceballo nga gibanhigan sa barangay Pitogo, lungsod sa Consolacion sa miaging semana.

Si PO3 Lito Dinampo sa kapolisan sa nahisgotang lungsod mibutyag sa Banat News nga gipanid-an pa nila karon ang mamumuno.

Usa sa mga suspetsado sa kamatayon ni Ceballo mao ang iyang gisoong polis nga si SPO1 Silas Ceballo.

Kini sa dihang positibo sa paraffin test nga gihimo sa PNP Crime Laboratory si SPO1 Ceballo.

Apan nangatarungan ang maong polis nga matud pa, nag-target shooting siya pipila ka adlaw ang nakalabay dihang gibanhigan ang iyang igsoon.

Bisan sa maong pagpanghimakak ni SPO1 Ceballo, sa gihapon nagpabilin kining usa sa mga suspek. -Romeo T. Limpangog (BANAT NEWS)