Rerouting alang sa 75th year sa Artsidyosesis gipahibalo

CEBU, Philippines -  Andam na ang traffic rerouting plan sa Cebu City Traffic Operations and Management (Citom) ug sa Cebu City Traffic Group alang sa diamond jubilee celebration kon ika-75 ka tuig nga founding anniversary sa Artsidyosesis sa Sugbu ugmang adlawa.

Upat ka mga dalan sa dakbayan nga naglakip sa Gomez, Mabini, Burgos, ug Legaspi Street ang temporaryong sirad-an gikan sa alas 12 sa udto nunot usab sa dakong kalihukan nga ipahigayon diha sa Cebu Metropolitan Cathedral.

Tungod niini, ang mga passenger jeep nga gikan sa Lahug ug Apas nga dunay rotang 04C, 04I, ug 17C nga moagi sa dalan M.C. Briones anha na mo-left turn sa D. Jakosalem Street paingon ngadto sa ilang point of origin.

Samtang ang mga rotang 04D, 04E, 04H, 17B ug 17D nga muagi sa M.C. Briones anha usab mo-left turn sa D. Jakosalem Street apan mo-left turn sa dalan Legaspi lahos sa Pelaez Street ngadto na sa ilang naandang rota.

Sa pikas bahin ang mga PUJ nga dunay rotang 02B nga moagi sa dalan Colon, anha mo-left turn sa dalan Mabini, right turn sa Zulueta Street, lahos ngadto sa V. Sotto Street, right turn sa Arellano Boulevard, U-turn sa Legaspi Extension ngadto na sa Pier 1, right turn sa Arellano Boulevard paingon ngadto sa ilang distinasyon.

Samtang ang mga passenger jeep nga dunay 08E, 08G, 09E ug 09F nga moagi sa dalan Colon, mo-left turn sa Mabini Street, right turn sa Zulueta Street, right turn sa M.J. Cuenco Avenue, right turn sa V. Gullas ngadto na sa ilang naandang rota.

Kadtong mga PUJ nga mupaingon sa SM City Cebu o sa North Reclamation Area sama sa 12I ug 12J nga rota nga muagi sa dalan Colon, anha gihapon left turn sa dalan Mabini, right turn sa Zulueta Street, lahos ngadto sa V. Sotto Street, left turn sa Osmeña Avenue, ngadto na sa ilang point of destination.

Samtang sa ilang pagbalik uban sa rotang 09J, 10H, 10M nga muagi sa M.J. Cuenco Avenue anha right turn sa V. Gullas Street, paingon sa ilang point of origin.

Sa susamang kalamboan, ang mga PUJ nga dunay 09A, 09C, 09K, 10E, 11D, 11G, 12C, 12D ug 12M nga rota samtang mutadlas sa dalan Colon anha gihapon right turn sa dalan Mabini, right turn sa V. Gullas Street, paingon ngadto sa ilang naandang rota gawas lang sa 10E ug 12C nga mga PUJ nga mo-left turn sa D. Jakosalem, right turn sa Osmeña Boulevard, right turn sa Magallanes Street, paingon ngadto sa ilang naandang rota.

Kadtong mga passenger jeep usab nga dunay rotang 09G, 10G, 10K, 11A, ug 12F nga mag-agian sa dalan Magallanes, anha na mo-left turn sa dalan Jakosalem ngadto na sa ilang point of origin.

Samtang ang mga PUJ nga gikan sa dakbayan sa Mandaue sama sa 21A, 21D, 22A, 22D, ug 22G nga muagi sa V. Gullas Street, anha na mo-right turn sa Logarta Street, right turn sa Zulueta Street, left turn sa M.J. Cuenco Avenue paingon sa ilang naandang rota gawas sa 21D nga mulahos ngadto sa V. Sotto Street, left turn sa Osmena Avenue, balik ngadto sa ilang point of origin.

Karon pa lang ang Citom ug Traffic Group nipahimangno na sa mga morotista nga musunod lang sa mga traffic sign nga ipakatap sa apektadong mga dalan aron dili makahatag ug kahasol sa ubang nagmaneho ug mga sakyanan. - BANAT NEWS