Opisina sa Parole manawat og volunteer

CEBU, Philippines – Ang buhatan sa Parole and Probation Administration manawat karon og mga boluntaryo nga moserbisyo sa komunidad ilabi na ngadto sa mga tawong parolado ug gusto na magbag-o sa kinabuhi.

Si Ismael Herradura, PPA Administrator nagkanayon nga nagkinahanglan sila karon og mga 10 mil ka boluntaryo sa tibuok nasud sa umaabot nga tuig 2010.

Ang trabaho sa mga boluntaryo mao ang pagpanambag sa mga badlungon sa katilingban.

Matud ni Herradura nga tungod kay daghan ang ilang gikinahanglang boluntaryo, nagkinahanglan usab sila og dugang budget nga kun mahimo ang P30 milyones nilang gahin karon, himoon kining doble.

Dinhi sa Central Visayas adunay 300 ngadto sa 400 ka mga boluntaryo ubos sa volunteer probation aid.

Gumikan niini nagtuo si Herradura nga makahatag usab kini og abag niadtong mga walay trabaho kun mosugot silang mahimong boluntaryo nga trabahante ubos sa PPA. - Rey Pasaporte (BANAT NEWS)